Një shqiptar dyshohet se është vrarë në Rodos të Greqisë. Viktima, 56 vjeç, babai i një vajze minorene, u gjet i djegur në automjet këtë mëngjes (rreth orës 06.00) në zonën e Kaminari, midis Malona-s dhe Haraki-t. Forcat speciale nga Departamenti i Zjarrfikësve dhe oficerët e policisë nga Drejtoria e Sigurisë Rodos dhe Departamenti i Policisë Archangel shkuan në vendngjarje dhe një hetim nisi për zbardhjen e asaj ç’ka ka ndodhur.
Makina është djegur plotësisht, ndërsa shoferi u identifikua vetëm me anë të të dhënave se kush e kishte nën pronësi makinën.
Fillimisht, u raportua se 56-vjeçari, identiteti i të cilit nuk bëhet me dije dyshohej se u vetëvra. Sipas raportimeve të fundit të mediave greke, ka një kthesë në hetimet e autoriteteve helene. Tashmë, dyshimet janë se shqiptari është ekzekutuar. 56-vjeçari ishte në vështirësi financiare dhe kjo i çoi hetuesit në hipotezën se ai i ka dhënë fund jetës. Megjithatë, sikundër raportohet, në dorën e tyre ka rënë një video që tregon se zjarri nis nga jashtë automjetit dhe më pas përhapet brenda tij. Kjo krijon dyshimet se kemi të bëjmë me vrasje.