Tentoi të kalonte ilegalisht 4 shtetas shqiptarë, dënohet me 21 muaj burg 35-vjeçari.
Edward McDonagh pranoi se i kishte marrë shqiptarët për t’i kaluar kundrejt parave, raporton BBC.
Ai tha në sallën e gjyqit se po transportonte grupin nga Dublini në Holyhead si një “favor për një mik”.
Policia i konfiskoi 35-vjeçarit 500 paund dhe 255 euro.
Ai u ndalua nga policia dhe pas një kontrolli rutinë, u pyet për pasagjerët që kishte në makinë.
Fakti që nuk i njihte ato, çoi në dyshimet e policisë se ata po transportoheshin ilegalisht. 35-vjeçari pohoi edhe para policëve të kufirit në Uells një gjë të tillë.