Claudia Ochoa Félix, e narko-kartelit famëkeq meksikan të drogës Sinaloa, e njohur si “Mbretëresha Antrax”, është gjetur e vdekur të shtunën pasdite.
Claudia dyshohej se ishte në krye të njësisë së vrasësve të këtij karteli. Kur është arrestuar shefi i kartelit Jose Rodrigo Arechiga Gamboa i njohur si Chino Antrax, filluan të qarkullojnë fjalët se Claudia është një nga lideret e reja. Megjithatë, ajo këto pretendime i ka hedhur poshtë, por në Instagram vazhdimisht publikonte fotografi me armë të ndryshme duke bërë një jetë luksoze.
Ajo është gjetur e vdekur si pasojë e mbidozës në qytetin meksikan Kualijakan. Megjithatë shumë anëtarë të “armatës” së saj dyshojnë se ajo është vrarë.
“Mbretëresha Antrax” ishte bërë e famshme kur edhe hapi llogari në Instagram, dhe lavdërohej me fotografitë që i postonte për të treguar jetën luksoze që e bënte.
Ajo numëronte 295 mijë ndjekës që vazhdimisht pëlqenin fotografitë dhe stilin e jetës që ajo e bënte. Claudia Ochoa Félix u pagëzua si “Kardashiani i mafies”.
