Pritja mbaroi. Kompeticioni më i bukur në botë do të rikthehet ditën e sotme për të na dhuruar ndeshje spektakolare dhe emocione të jashtëzakonshme. 32 skuadrat që do të marrin pjesë në këtë edicion arrijnë shifra të frikshme. Mund ta quani Champions-i 16 miliard eurosh.
Pritja mbaroi. Ko mpeticioni më i bukur në botë do të rikthehet ditën e sotme për të na dhuruar ndeshje spektakolare dhe emocione të jashtëzakonshme. 32 skuadrat që do të marrin pjesë në këtë edicion arrijnë shifra të frikshme. Mund ta quani Champions-i 16 miliard eurosh.
Kjo është vlera që kapin të gjitha ekipet e Champions-it, ku Mançester Siti është skuadra me vlerën më të lartë, ndërsa Slavia e Pragës ka vlerën më të ulët. Diferenca mes tyre është afro 1 miliard euro. Duke analizuar vlerën e ekipeve në treg, mund të shtrojmë disa pyetje:
Cilat janë 10 ekipet më të shtrenjta në Champions?
Ka 5 klube, ku vlera e të gjithë futbollistëve të tyre i kalon 1 miliard euro dhe ky grup skuadrash kryesohet nga formacioni i Pep Guardiolës. Siti ka yje në fushë, por edhe në stol. Për këtë fakt kushton 1.2 miliardë euro dhe lë pas Realin e Madridit që kushton 1.19 miliard euro.
Në podiumin e kësaj renditjeje, por me pak diferencë me Realin, është Barcelona (1.18 miliardë). Në vendin e katërt janë kampionët e Liverpulit me 1.07 miliardë dhe PSG-ja me 1.060 miliardë euro. Kjo renditje vazhdon më tej me skuadrat që nuk e kapin vlerën e 1 miliard eurove si Totenhemi, Atletiko e Madridit, Bajerni i Mynihut, Juventusi dhe Çelsi.
Cilat janë 10 skuadrat më pak të vlefshme në Champions?
Slavia e Pragës është skuadra me organikën më modeste në këtë Ligë Kampionesh, ku vlera e merkatos së tyre është 36.6 milionë euro. Kjo shumë është shumë herë më e vogël se e disa futbollistëve që marrin pjesë në këtë Champions.
Cërvena Zvezda është ekipi i dytë më pak i vlefshëm me 57.9 milionë euro dhe Dinamo e Zagrebit e treta me 73.3 milionë euro. Pastaj renditja vazhdon me Olimpiakosin, Salcburgun, Genkun, Bryzhin, Gallatasarajin, Lokomotivën e Moskës dhe Shakhtjorin.
Cilat janë grupet më të shtrenjta?
Grupi A është më i shtrenjti i Ligës së Kampioneve, ku bëjnë pjesë skuadra si Reali i Madridit, PSG-ja, Gallatasaraji dhe Bryzhi. Reali është ekipi i dytë më me vlerë në botë dhe PSG-ja e pesta, kjo është arsyeja.
Në total, duke llogaritur edhe ekipet e tjera vlera e Grupit A shkon 2.51 miliardë euro. I dyti është Grupi F, ku marrin pjesë Barcelona, Dortmundi, Interi dhe Slavia e Pragës, të cilat kapin vlerën e 2.386 miliardë eurove dhe lënë pas grupin e Juventusit dhe Atletikos së Madridit me pak euro diferencë.
/PANORAMASPORT.AL
