Kryebashkiaku i Tiranës, Erjon Veliaj, tha se sot jemi më pranë se kurrë për hapjen e negociatave me BE.
Veliaj, në studion e News 24, tha se “pse kaq qorra janë ndërkombëtarët që mos shikojnë situatën e zezë në Shqipëri, sikundër përpiqet ta bëjë opozita”.
“Ndërkombëtarët e dinë se kush janë forcat regresiste. Pse mendoni ju që ata do të mbështesnin një skenar për djegien e mandateve, që pastaj ky të dilte si efekt domino në gjithë Rajonin”, tha Veliaj.
Lidhur me kandidatët me të shkuar kriminale, Veliaj tha se askush nuk e di, përveç atij që kandidon, të shkuarën e tij.
“Përgjegjësia është individuale, pasi askush nuk e di 100 përqind të shkuarën e dikujt”, tha Veliaj.
Ai shtoi se sot Shqipëria dhe Tirana kanë 1 mijë probleme, madje ai është shumë më kritik se opozita, por zgjidhja nuk është me djegie mandatesh dhe bojkot zgjedhjesh. Sipas tij, çdokush duhet të mbajë përgjegjësi për veprimet e tij.
