Opozita e re në parlament ka artikuluar fuqishëm për ndryshim të sistemit zgjedhor në vend. Madje, disa ligjvënës të opozitës së re kanë shprehur gatishmërinë e lënies së mandateve nëse arrihet ndryshimi i sistemi, që sipas tyre nuk siguron përfaqësimin e popullit nga politika. Por, kryeministri Edi Rama është i një mendimi tjetër.
Në një intervistë për “Tv Klan”, ai vlerësoi sistemin aktual.
“Ne do i rishikojmë të gjitha në respekt dhe më të gjithë vëmendjen e nevojshme. Ne jemi partia më e madhe dhe kemi të drejtën e të pasurit opinionin tonë dhe të marrjes së një vendimi për sa na takon, por unë asnjëherë nuk kam besuar se djalli fle tek sistemi. Përkundrazi besoj se me këtë sistem zgjedhor të transformojmë rrënjësisht procesin”, tha Rama.
