Kryeministri Edi Rama ka mohuar se do të japë dorëheqjen nëse negociatat me Bashkimin Europian nuk hapen.
I pyetur në një intervistë televizive nëse do të dorëheqjet nëse negociatat nuk hapen, kreu i qeverisë la të kuptohet se kjo nuk do të ndodhë. Ai u justifikua në “Tv Klan”, duke thënë se vendimin, vendet e BE-së e marrin duke pasur parasysh interesin e tyre dhe jo duke parë nëse Shqipëria ka plotësuar kushtet.
Nëse negociatat nuk hapen pavarësisht se siç thoni ju kujt është një vendim i brendshëm i shteteve anëtare të be, kjo ka qenë një sfidë e juaja. Nëse s’përmbushet do jepni dorëheqjen?
Pyetjes, Rama iu përgjigj: “Së pari është një sfidë e gjithë shqiptarëve të cilën natyrshëm unë e kam marrë përsipër pasi jam zgjedhur për ta përfaqësuar Shqipërinë dhe për të luftuar për të gjitha sfidat e Shqipërisë. Ne e kemi bërë detyrën tonë të shtëpisë në aspektin teknik. Në aspektin politik po bëjmë gjithçka mundemi, nuk e kemi ndihmuar këtë kauzë me ç’ka ka ndodhur në 6 muajt e parë të vitit, kjo s’ka asnjë dyshim, por kemi arritur të bëjmë një kthese të rëndësishme pas 30 qershorit e në vazhdim falë kontakteve të vazhdueshme dhe një pune intensive që po bëjmë në nivelin politik. Vendimi tanimë lidhet shumë më tepër me atë ç’ka vendet anëtare konsiderojnë të mundshme në kuadrin e interesave të tyre në radhë të parë dhe kjo është legjitime, sesa me atë ç’ka Shqipëria meriton pa kushte”.
Kujtojmë se kreu i qeverisë ka mashtruar lidhur me negociatat. Më 27 qershor 2018, shefi i ekzekutivit shpërndau “medalje mirënjohje” për katër ambasadorë të Shqipërisë me motivacionin për kontributin e tyre për çështjen e hapjes së negociatave dhe u shpreh publikisht: “Shqipëria mori datën e fillimit zyrtar të negociatave për anëtarësim. Çelja e negociatave është përcaktuar pas 12 muajsh”.
Negociatat endë nuk janë hapur dhe sikundër raportohet, me shumë gjasë vendimi do të jetë negativ edhe në samitin e ardhshëm të BE-së, që mbahet muajin e ardhshëm.
Me zë dhe figurë/ Si mashtroi për negociatat kryeministri Edi Rama
