Ervin Salianji deklaroi në emisionin “Open” se kriza e shkaktuar në vend nuk është si pasojë e daljes së opozitës nga Kuvendi, por si pasojë e daljes së përgjimeve dhe inkriminimit të Parlamentit.
“Strategjia e opozitës për të dalë nga Kuvendi nuk është e paramenduar. Ne nuk jemi shkaku. Mos harroni se kriza ka ardhur për shkak të përgjimeve, kur zyrtarë të lartë u përgjuan në vjedhjen e votave. Bojkoti ka ndodhur për shkak se ne që kur kemi qenë në fushatë kemi thënë se Parlamenti është ilegjitim dhe ka dalë nga votat e vjedhura.
I vetmi instrument që ne kemi për të parandaluar një ligj të keq është ta dërgojmë në Gjykatën Kushtetuese.
Kriza këtu është në të gjitha institucionet. Krizë ka edhe brenda PS-së.
Ju jeni i painformuar. Vettingu i Gjykatës Kushtetuese, Gjykatës së Lartë bëhet sipas kontributit të PD-së. Por PS nuk e ka pranuar Këshillin e Emërimit në Drejtësi sepse nuk i kanë pëlqyer emrat. Nëse do të bëhej një gjë e tillë, sot do të kishim Gjykatë Kushtetuse funksionale. Kapjen e sistemit dhe lënien e boshllëqeve e ka bërë PS. Ashtu sikundër emëruan edhe Arta Markun”.
