Kreu i Vetëvendosjes, Albin Kurti i cili kandidon për kryeministë në Kosovë, ka deklaruar se idea e bashkimit kombëtar mes Kosovës dhe Shqipërisë është një çështje komplekse.
I ftuar në emisionin “Pressing” në televizionin T7, Kurti tha se bashkimi kombëtar nuk varet vetëm prej Kosovës,por edhe prej Shqipërisë.
“Kosova ka të drejtë t’i bashkohet Shqipërisë, por sot jemi të paaftë për t’u bashkuar. Bashkimi nuk varet vetëm prej nesh, por varet edhe prej Shqipërisë. Vetëvendosja e konsideron primare mbijetesën e shtetit të Kosovës”, ka thënë kreu i Vetëvendosjes.
