Një nënë e re ka vdekur në ditëlindjen e saj të 21-të në Bjellorusi, pasi vajza e saj 2-vjeçare shtypi butonin për mbylljen e xhamit të veturës dhe i zuri kokën.
Yulia Sharko po përpiqej ta nxirrte vajzën e saj nga vetura përmes dritares gjysmë të hapur të ulëses së pasagjerit.
Në atë moment, fëmijë e ka shtypur butonin për mbylljen e xhamit, veprim që i mori jetën gruas. Lajmin e kanë bërë të ditur autoritetet për sundimin e ligjit.
Burri i saj, Artur, e gjeti gruan e vet, e cila ishte nënë e dy fëmijëve, pa vetëdije pak kohë pas aksidentit.
Ai e theu xhamin e veturës, por gruaja ishte në gjendje të rëndë. Burri kishte thirrur shërbimet e emergjencës dhe gruaja ishte dërguar në spital.
Ajo vdiq në spital tetë ditë pas aksidentit tragjik për shkak të mungesës së oksigjenit që i kishte dëmtuar trurin.
Komisioni hetues është duke i hetuar rrethanat e aksidentit. Çifti kishte dy fëmijë, të quajtur Margarita dhe Ariana, shkruan “Daily Mail”.