Marc Marquez ka regjistruar një tjetër fitore të rëndësishme.
Grand Prixi i mbajtur në San Marino i ka takuar pilotit spanjoll, Marc Marquez, i cili garon me skuadrën e Hondas.
Marquez i mohoi fitoren e parë sezonale francezit Fabio Quartararo, i cili udhëhoqi thuajse gjatë gjithë garës, për t’u parakaluar nga spanjolli pikërisht në xhiron e fundit. U ngjit në podium edhe Maverick Vinales, në vendin e tretë, duke lënë pas shokun e skuadrës Valentino Rossi. Mbërriti i pesti në finish Franco Morbidelli, që i parapriu Andrea Doviziosos.
Në renditjen e përgjithshme Marc Marquez (275 pikë) thellon diferencën me ndjekësin më të afërt, Dovizioso (182 pikë). Sa u përket skuadrave, Honda kryeson me 281 pikë, e ndjekur nga Ducati me 221 pikë e Yamaha me 215 pikë.
