Gjykata e Fierit ka lënë në burg dy vëllezërit nga Fieri, të cilët dhunuan dhe lidhën me zinxhir hallën e tyre, pas një konflikti për pronën.
Gjykata e Shkallës së Parë në Fier vendosi “arrest me burg” ndaj dy vëllezërve Mariglen dhe Artjus Muhaj, të cilët u arrestuan për dhunë fizike ndaj hallës së tyre Mirela Braka, 45 vjeçe.
Ngjarja ka ndodhur rreth një javë më parë kur dy vëllezërit torturuan hallën e tyre, Mirela Braka, për shkak të një prone të përbashkët, raporton Faxnews.
Babai i dy vëllezërve dhunues ndodhet në burg, pasi i ka marrë jetën të shoqes, mamasë së Mareglenit dhe Arteusit.
Prej momentit kur e ëma është ndarë nga jeta, tre vite më parë, për dy djemtë është kujdesur halla e tyre, të cilën e dhunuan.
Mësohet se e dhunuara ka dy vajza dhe ngjarja ka nisur në katin e parë të pallatit ku jetonin dy autorët.