Dy shtetas me origjinë shqiptare, të identifikuar si Fatjon Sulcaj 32 vjeç dhe Arjon Hasanaj, 25 vjeç, u arrestuan nga policia italiane me akuzën e tregtimit të drogës.
Mediat italiane raportojnë se dy shqiptarët mbaheshin në survejim nga policia, pasi kishte dyshime për veprimtarinë e tyre.
Kjo ka bërë që policia të ndërhyjë në një aksion të befasishëm, ndihmuar edhe nga dy qen antidrogë, duke ushtruar kontroll në banesat e tyre.
Gjatë kontrollit, u sekuestruan 3 gramë kokainë, 7 gram marijuanë dhe 215 gram ketaminë, një hobe precize dhe materiale të nevojshme për paketimin e dozave, si dhe pothuajse 7 mijë euro në kartëmonedha, që vijnë nga veprimtaria e paligjshme.
Të dy shqiptarët e dyshuar janë arrestuar me vendim të gjykatës lokale.
Njëri prej tyre Fatjon Sulcaj u dërgua në burgun e Caltagirone, ndërsa Arjon Hasanaj u vendos nën arrest shtëpiak.