Dy punonjës të OSHEE-së në Pogradec janë proceduar penalisht, pasi akuzohen se kanë shpërdorur detyrën duke falsifikuar dokumente.
Specialistët për krimin Ekonomik-Financiar, në Drejtorinë Vendore të Policisë Korçë, filluan procedimin penal në gjendje të lirë ndaj shtetasve: K.N, 58 vjeç, E.S, 27 vjeç.
“Procedimi ndaj tyre filloi pasi, dyshohet se këta shtetas kanë shpërdoruar detyrën, duke falsifikuar dokumentet e rilidhjes së energjisë elektrike, të banesës së një shtetasi në lagjen nr.1, në Pogradec. Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme”, njoftoi policia.
