Moderatorja Fatma Haxhialiu është përlotur së fundmi teksa ka kujtuar sakrificat e familjes së saj. E ftuar në emisionin “Rudina”, Fatma tregoi se ajo kursente gjithmonë kur familja e saj nuk kishte mundësi ekonomike, në mënyrë që e motra Jona të blinte libra.
Ajo kujton momentin kur e ëma e shikonte në sy dhe nuk mund t’i plotësonte shumë nga gjërat më minimale.
Këtu Fatmës i rrëshkitën lotët të cilët nuk i mbajti dot. Ajo kujtoi se si kur ishin të vogla mundohej gjithmonë të kujdesej për të motrën e cila sot është një student ekselente.
“Është shumë e vështirë kur prindi shikon një fëmijë që impenjohet që lexon kaq shumë. Që studion dhe kërkon nga vetja, por nuk ka si ta rrisë këtë fëmijë më shumë dhe t’i japi atë që i takon, se në fund të ditës realisht e meritonte.
Mami im është tip shumë i fortë dhe nuk është nga ato që përlotet kollaj, më pa në sy dhe më thotë: ‘Si mundet një prind të qëndrojë përpara fëmijës së tij dhe fëmija i tij i thotë dua libra, nuk po më kërkon as luks, as të bëj udhëtime, as veshje, por më thotë mami unë dua një libër’, sepse Jona ka lexuar shumë dhe unë kursimet më të vogla mundohesha që Jona të blinte libra ose të bënte një kurs që i duhej për të aplikuar për bursën,”- tha Fatma dhe qau sërish teksa e motra e prekte në shpatull.
