Kryebashkiaku i Rilindjes në Vaun e Dejës, Mark Babani, është arrestuar në 4 prill 1994.
Detaji për kryebashkiakun që mund të jetë subjekt i ligjit të Dekriminalizimit, pas akuzave të PD-së, është zbuluar nga Sekretari i Përgjithshëm demokrat, Gazmend Bardhi.
“Është fakt se Mark Babani është arrestuar, dënuar e dëbuar nga autoritetet italiane dhe ai nuk e ka deklaruar këtë. Provat për këtë janë të pakundërshtueshme dhe prokuroria mjafton të ketë vullnetin t’i marrë në dorëzim ato.
Edi Rama dhe kandidati i tij për Vaun e Dejës duhet të sqarojnë publikun se çfarë i kujton data 4 Prill 1994.
As mashtrimet publike të Mark Babanit dhe as heshtja e Edi Ramës nuk e ndryshon dot të vërtetën”, shkruan Bardhi në një postim në rrjet.
