Kardhiqi, dhe prioritetet e qeverisë

Nga Klodian Tomorri

Politikat e zhvillimit tepsia ekonomik shenuan nje kulm te ri kete te premte teksa ministrja e Infrastruktures deklaroi se qeveria po anullon prioritetet strategjike per t’i cuar parate per prioritete momentale. Kjo eshte nje risi e padegjuar me pare ne fushen e politikave publike te zhvillimit. Por si gjithmone Shqiperia eshte vendi i cudirave.

Ne gjashte vitet e saj ne pushtet, qeveria e Edi Rames ka financuar vetem nje investim te ri ne infrastrukturen rrugore, me parate e buxhetit. Ai eshte aksi Kardhiq- Delvine. Te gjitha projektet e tjera kane qene investime te hapura nga qeveria e Sali Berishes, disa me financime te mbyllura, disa thuajse te perfunduara dhe te tjerat pjeserisht te perfunduara.

Rruga Kardhiq-Delvinë, eshte një aks strategjik për ekonominë dhe turizmin, jo vetem per zonen e bregut jugor te vendit, por per te gjithe ekonomine kombetare. Per kete arsye ky projekt ka qene gjithmone i listuar si nje nga investimet me strategjike te transportit rrugor, por deri dy vjet me pare i mbetur vetem ne leter.

Ne vitin 2017, qeveria tentoi fillimisht ta perfshinte ne paketen e programit 1 miliarde euro te koncesioneve. Por me vone, ndryshoi mendim duke vendosur qe rrugen ta ndertoje me parate e buxhetit. Puna ne disa lote te rruges nisi vitin e kaluar. Por pjesa me e rendesishme e segmentit, loti 7 per shkak edhe te veshtiresise me te madhe u la te prokurohej kete vit.

Tenderi u zhvillua ne qershor dhe ne te u paraqiten 6 oferta. Autoriteti Rrugor shpalli fituese oferten me cmimin me te larte dhe kjo ishte zanafilla e nje procesi me perplasje ligjore por edhe dyshime te forta. Vendimi i ARRSH-se u permbys nga Komisioni i Prokurimit Publik, i cili shpalli fituese oferten me te ulet me 4 milione euro me pak se sa ajo e perzgjedhur nga ARSH.

LEXO EDHE  Sfidat e Prokurorit të ri të Përgjithshëm, 4 “gjylet” e rënda për Olsian Çelën

Por edhe vendimi i Komisionit te Prokurimeve u hodh poshte. Kete here nga Ministria e Infrastruktures, e cila e anulloi tenderin. Sipas ministres Belinda Balluku tenderi eshte anulluar pasi qeverise i kane ndryshur prioritetet dhe parate do te perdoren ne nje prioritet tjeter momental, por pa e zbuluar projektin misterioz.

Ne fakt i gjithe ky proces ngre jo pak pikepyetje. Dy muaj me pare, saktesisht ne 29 qershor ministrja Belinda Balluku inspektoi personalisht punimet ne aksin Kardhiq Delvine, ku konfirmoi mbeshtetjen e qeverise per kete projekt strategjik e madje u shpreh e bindur se ai do te perfundoje perpara afatit qe ishte viti 2021.

Ne ate kohe fitues i tenderit 19 milione euro te lotit 7 ishte ende ai qe kishte kishte perzgjedhur ARRSH. Por gjerat ndryshuan pak dite me vone kur KPP e permbysi fituesin e tenderit. Me sa duket ketu nisen te ndryshojne edhe prioritetet e Ministrise se Infrastruktures. Vetem dy muaj pasi premtoi perfundimin e saj para afatit, Ministria e Infrastruktures e anulloi tenderin duke bere qe rruga Kardhiq-Delvin, aksi qe shkurton distancen mes Tiranes dhe Sarandes me tre ore, te mbetet rrugeve.

Qyetatet ne jug, por edhe ekonomia kombetare po paguajne per kulisat dhe pazaret qe luhen ne zyrat e shtetit. Tepsia e madhe tashme ne nje dore ka sjelle luften brenda llojit se kush do marr llokmen me te madhe. Dikur Edi Rama akuzonte Sali Berishen se i kishte lene rruget rrugeve. Por edhe nje rruge te vetme qe nisi ne 6 vite vite ne pushtet nuk e bitisi dot.