Kryeministri Edi Rama ka arritur të shesë një pikturë në Berlin, gjatë një ekspozite. Vlera e pikturës, sipas faqes “News Artnet”, e cila ka publikuar një listë me pikturat e edicionit “Art Berlin”, ishte 3500 euro.
Piktura e Ramës ishte realizuar me dokumentet e punës.
Shpeshherë, Kryeministri Edi Rama është fiksuar nga kamerat duke pikturuar ose zhgarravitur mbi dokumentet zyrtare. Këtë se ka bërë vetëm në Parlament, por edhe në takimet e rëndësishme, qofshin ato edhe me ndërkombëtarë.
Në veprat që ka përzgjedhur “News Artnet”, piktura e Ramës është më e lira, ndërsa të tjerat varjojnë me një çmim nga 5 mijë euro në 10 mijë euro.
Para se të rikthehej aktiv në politikën shqiptare në 1998, atëherë kur Fatos Nano, ish-kryeministër dhe lideri historik i socialistëve, e angazhoi si ministër Kulture, Rama ishte emigrant në Francë, ku punonte si bahçevan, sipas Fatos Lubonjës, dhe merrej edhe me piktura.
