Ish-Kryeministri Sali Berisha tha se Edi Rama nuk mund të krahasohet me Fatos Nanon.
Në studion e “Opinion”, ajo që po ndodh me konçensionet dhe PPP në qeverinë Rama nuk ka ndodhur kurrë më parë.
“Sa erdhi në pushtet u mor me ministrat e mi, madje deklaroi se Arben Imamin donte ta shihte në burg. Çfarë bëjnë ministrat e tij? Marrin vulat në xhep dhe firmosin konçensione dhe PPP pa asnjë garë”, tha Berisha.
Lidhur me vizitën e Ramës në Gjermani, Berisha tha se ai ka shkuar për ekspozitë pikture.
“Ka kërkuar dhe i kancelarja gjermane i ka dhënë takim. Rama ka shkuar në Gjermani për ekspozitë pikture dhe do të qëndrojë dy ditë atje”, tha Berisha.
Ish-Kryeministri u shpreh pesimist që Shqipërisë më 18 tetor do t’i hapen negociatat. Sipas tij, ministrat e Jashtëm të BE-së, vjet i vendosën 13 kushte, dhe sot jemi në këto rrethana, se Rama nuk ka plotësuar kushtet. Berisha tha se nuk mund të ketë hapje negociatash pa kushte.
“Edi Rama mori një dekoratë nga Vuçiç, atë të Esat Toptanit, mund të marë dekoratën e Zografit, por dekoratë tjetër nuk mund të marë”, tha Berisha, duke komentuar në këtë mënyrë batutën e Presidentit Ilir Meta, se do t’i jepte dekoratën e Skënderbeut, nëse hapen negociatat më 18 tetor.
