Marrëveshje e fshehtë Rama-Basha?

Edhe njëherë u përfol për një marrëveshje të fshehtë mes kryeministrit Edi Rama dhe kryetarit të opozitës Lulzim Basha. Ishte deputeti Ralf Gjoni ai që artikuloi nga foltorja e Kuvendit se Rama-Basha “janë pranë një pazari, me fjalët që po qarkullojnë”.

Publikisht, si Rama ashtu dhe Basha kanë lëshuar akuza të forta ndaj njeri-tjetrit. Madje, kryetari i opozitës është shprehur se nuk ulet në bisedime me Ramën kryeministër, duke kërkuar dorëheqjen e kreut të qeverisë, që e cilëson “përdhunuesin serial të zgjedhjeve”. Nga eksponentë të PD gjithashtu, si dhe nga vetë Basha, është mohuar kategorikisht se ka bisedime me Edi Ramën.

LEXO EDHE  Haxhiu dhe Balla shoqërojnë Ramën në Rusi/ Gazetari publikon foton, shakaja "5 dollarëshe"

Gjatë fjalës së tij në Kuvend, Gjoni akuzoi mazhorancës socialiste për mosbashkëpunim për një reformë zgjedhore gjithëpërfshirëse. “S’është bërë asgjë në komisionin e reformës zgjedhore. Mazhoranca s’ka treguar vullnet për një reformë gjithëpërfshirëse”, tha Gjoni.