Deputetë të Rilindjes, por edhe asaj që konsiderohet si “opozita e re” kanë bashkuar votat senacën e sotme për të rrëzuar 8 dekretet e Presidentit të Republikës, i cili kishte kthyer për rishqyrtim në Kuvend ligje të miratuara me nxitim nga mazhoranca në sesionin parlamentar që u mbyll në Korrik.
Me nisjen e sesionit të ri parlamentar, ashtu sikundër edhe pritej, Kuvendi rrëzoi dekretet e Metës, me shumicë votash që varionte nga 74 në 78 deputetë.
Në nisje të procesit të votimit kryeparlamentari Ruçi sqaroi se dekreti për rishqyrtim e humbet fuqinë kur kundër tij votojnë shumica e anëtarëve të kuvendit.
Me 19 vota pro 78 kundër dhe 4 abstenim, maxhoranca rrëzoi dekretin e presidentit “Për rezerva materiale të shtetit”.
Gjithashtu me votat e 76 deputetëve u rrëzua dekreti për rishqyrtimin e ligjit “Për privatizimin dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve të veçanta, mjeteve kryesore dhe mjeteve të xhiros së këtyre ndërmarrjeve”.
Me 76 vota kundër, 22 vota pro, dhe 3 abstenime, u rrëzoi gjithashtu dekreti për rishqyrtimin e ligjit “Për vetëqeverisjen vendore”.
Një tjetër dekret i Presidentit i shfuqizuar me shumicë votash në seancë plenare ishte edhe ai për planifikimin dhe zhvillimin e territorit”, të ndryshuar” për të cilin votuan pro 23 deputetë, 76 kundër dhe 3 abstenuan.
Me 22 pro, 76 kundër dhe 4 abstenim Kuvendi rrëzoi edhe dekrein për “Për koncesionet dhe partneritetin publik privat”, të ndryshuar ”.
74 deputetë u shprehën kundër dekretit “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”.
Kuvendi rrëzoi gjithashtu edhe dekretin “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”. Kundër dekretit votuan 74 deputetë, 4 abstenuan dhe 22 votuan pro.
Dekreti i Presidentit të Republikës nr. 11255, datë 08.08.2019, “Për kthimin e ligjit nr. 52/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, shoqërisë “ANK”, sh.p.k., si koncesionari, dhe shoqërisë “Bardh konstruksion”, sh.p.k., si shoqëria koncesionare, për projektimin, ndërtimin dhe mirëmbajtjen e segmentit rrugor Milot – Balldren”” u rrëzua me 77 vota në kuvend, 15 deputetë votuan pro ndërsa 11 abstenuan.
Gjithashtu Kuvendi rrëzoi edhe kandidaturën e Petraq Milos, për postin e kryetarit të Kontrollit të Lartë të Shtetit.
