Vesile Yavuz, gruaja e kapitenit të jatit luksos Sezgin Yavuz, i cili rezulton i zhdukur prej disa ditësh, ka folur për mediat turke, duke sqaruar se bashkëshorti i saj ishte larguar jashtë vendit prej dy muajsh.
“Në telefonatën e fundit më tha se do të shkonte në Korfuz, folëm në mëngjes dhe do të lidheshim pas dy ditësh.
Më pas humbën çdo kontakt dhe tre ditë më pas, morëm lajmin se jahti u gjet”, shprehet ajo.
Vesile Yavuz shprehet se jahti u gjet në gjendje të mirë, por bashkëshorti i saj nuk u gjet në bord.
Kapiteni i jahtit luksoz turk Sezgin Yavuz është zhdukur, ndërsa mjeti lundrues u gjet në ujrat territorial shqiptare nga një peshkarexhë. Dyshimet janë se Yavuz mund të ketë rënë në det në mënyrë aksidentale, pasi i janë gjetur edhe pajisjet e peshkimit.
Ai ka transportuar drejt Korfuzit familjarë të pronarit të Jahtit, më pas ka lundruar drejt Malit të Zi ku është furnizuar me karburant, dhe nga ky moment janë humbur kontaktet.
Jahti ndodhet i ankoruar në portin e Shëngjinit dhe autoritetet shqiptare nuk kanë vendosur se kur do t’ia kthejnë pronarit, ndërkohë që po hetohet zhdukja e kapitenit të mjetit luksoz.
