Më në fund Blendi Gonxhe zgjidh hallin e madh që e kishte zënë. Në 8 muaj, Gonxhe njofton se i ka dhënë zgjidhje një problemi madhor në Drejtorinë e Transportit Rrugor në Durrës duke shitur 30 ton skrap.
Targa makinash të grumbulluara prej 2014 deri në 2018, kishin mbetur stok, por Gonxhja e gjeti zgjidhjen. Nuk dihet sa net pa gjumë ka ndenjur derisa ai më në fund u cclirua nga barra e rëndë. Madje ky hall është zgjidhur pa ndihmën e portalit të bashkëqeverisjes. Gonxhja s’ka pasur nevojë të shkruajë dhe kërkojë ndihmë te shefi i tij Kryeministër.
Ka përveshur mëngët dhe për 8 muaj ka qëndruar si magazinier i llamarinave. Pas i dha zgjidhje hallit, tashmë Gonxhja mund të flerë i qetë, madje të mburret derisa dikush tjetër, ose po ai, të zgjidhë një tjetër hall të madh si ky që njofton në rrjet.
Ja postimi në rrjet:
Tjetër hall i zgjidhur! 🙏 Nga viti 2014 deri në 2018 në DRSHTRR Durrës ishin grumbulluar 163 mijë targa të dëmtuara, për skrap! Të palistuara, të paverifikuara e të paprera, mal llamarine! Ankandet dështonin se asnjë subjekt nuk afrohej në atë gjendje! Brenda 8 muajve të vitit 2019 kryem kontroll/listim/peshim/prerje dhe ambalazhim, konform Kodit Rrugor, Neni 102, pika 1 dhe tërhoqëm nga gjendja rifuxho 163 mijë targat, tashmë 30 ton skrap! Për 8 muaj u bë puna e 5 viteve!
Jo vetëm kaq, kryem Ankandin ligjor dhe me sukses lidhëm kontratën e shitjes duke gjeneruar të ardhurat për DPSHTRR! 💰 #RilindjaDPSHTRR #MIE #MirëadministrojmëÇdoSektor #DTSH #ProceseLigjore #RregullDhePastërti #JoRrëmujës #QindarkaNukShkonDëm
