Gazetari Aulon Kalaja, në studion e Faxnews, tha se zgjedhjet e 30 qershorit janë moniste. Kalaja shprehet se do ketë zgjedhje të parakohshme dhe se Edi Rama do të largohet nga pushteti. Ai është shprehur se ministrat dhe deputetët e kryeministrit janë zhytur në korrupsion, abuzime apo trafikantë.
Madje, Kalaja ka folur edhe për kryetarin e Bashkisë, Erion Veliaj, se ka rikthyer rradhën e ujit në qytet.
“Rama me këtë komision farsë, vazhdon tej kalon vetëveten, pasi zgjedhjet ishin moniste. Farsë ishin edhe këta deputetët e opozitës së Re. Eshtë Gjykata Kushtetuese që duhet të thotë fjalën e fundit për zgjedhjet e 30 qershorit, të cilat janë nul.
Do kemi zgjedhje të parakohshme. Shumë shpejt, qeveria e Ramës do të bjerë. Nëse do të kemi zgjedhje të lira, pushteti do të bjerë.
Po plasin për ditë skandale, ministra e deputet të zhytur në abuzime, në korrupsion apo trafikantë. Ramën e mban inertësia në pushtet.
Opozita le të vijë në pushtet, por duhet të jetë e rrepktë por korrekte”, tha ai.
Gjithashtu Kalaja, ka folur edhe për kryetarin e Bashkisë së Tiranës, Erion Veliaj. Kalaja thotë se është vetë dëshmitar për mungesën e ujit. Ai shprehet se në lagjen ku jeton nuk ka ujë, dhe se ai ujë është i pa pijshëm.
“Kryetari i Bashkisë thotë që unë kam bërë Tiranën, ndërkohë që vendi s’ka ujë. Veliaj ka rikthyer rradhën e ujit. Veliaj akuzohet edhe për vrasjen e 17-vjeçar Ardit Gjoklaj.
Kauza e 2019, është kemi apo nuk kemi ujë. E rriti çmimin e ujit, por tani s’kemi fare. Nuk e di ku e çon kryetari ujin. Uji është pa pijshëm, por ne e paguajmë për të pijshëm. Tirana është kryeqyteti, por ka shumë probleme. Kam dëgjuar se Veliaj do të fus një skemë mes privatit me çështjen me ujin”, tha Kalaja.
