Presidenti Ilir Meta ka reaguar pas takimit që zhvilloi delegacionin e Komisionit të Venecias, i cili ka ardhur për një mision faktmbledhës në Tiranë.
Meta tha se nëse do ishin respektuar në të kaluarën rekomandimet e këtij Komisioni, Shqipëria nuk do të ishte në situatën ku ndodhet sot.
“Kënaqësi të prisja sot një përfaqësi të Komisionit të Venecias. Nëse do ishin respektuar rekomandimet e tyre në të kaluarën, Shqipëria kurrë nuk do të ishte në këtë situatë”, shkruan Meta.
Delegacioni i Venecias po takohet me zyrtarët e lartë dhe përfaqësues të politikës, në kuadër të misionit që do mbledhë fakte mbi kërkesën për opinion të mazhorancës nëse presidenti Meta ka shkelur ose jo Kushtetutën me zhdekretimin e 30 qershorit si datë për zgjedhjet lokale.