Kryetarja e LSI-së, Monika Kryemadhi shprehet se, “zgjedhjet do të bëhen me ose pa Ramën kryeministër”.
LSI nuk i kushtëzon zgjedhjet, tha kryetarja e kësaj force politike në një intervistë për News 24, duke shtuar se zgjedhjet janë “antibiotiku” kundër kapjes së shtetit. Përballja, sipas saj, është e vetmja zgjidhje. Lidhur me këtë, ka debat në kampin opozitar, shtoi ajo, duke theksuar se “debati e bashkon kampion opozitar”. Shkak për mungesën e dialogut, për Kryemadhin është arroganca e kreut të qeverisë. Dialogu politik varet nga mahzoranca, tha.
Kujtojmë se kreu i PD-së Lulzim Basha është shprehur se në zgjedhje do të shkohet pa Ramën-kryeministër, të cilën Basha e quan “përdhunuesin serial të zgjedhjeve”. Për Bashën, ky është kushti për të përgatitur zgjedhje të lira e të ndershme. Pikërisht për këtë qëndrim, kreu i opozitës është kritikuar edhe nga Presidenti Ilir Meta, i cili tha dje në komisionin hetimor se ky është një kusht jo normal. Të papranueshëm, Meta quajti edhe qëndrimin e Ramës, i cili sipas Presidentit, nuk ka bërë përpjekje për dialog me opozitën.
Në intervistë, Kryemadhi foli edhe për reformën në drejtësi.
“Reforma në drejtësi duhet të jete e pakapur nga politika. SPAK s’mund të përdoret si kamxhikë për luftë politike”, tha Kryemadhi.
