Astrit Patozi, drejtuesi i Bindjes Demokratike, një prej partive që mori pjesë në votimet e 30 qershorit, i përdorur nga Rilindja si alternativë në 30 bashki, u shpreh mbrëmjen e sotme se Presidenti është pjesë e një pazari të bërë më herët mes Edi Ramës dhe Ilir Metës.
Patozi tha në Open se duke marrë presidencën, Meta i ka siguruar Ramës pjesmarrjen e LSI në zgjedhjet e 2017, në qoftë se nuk do të ishte PD-ja në zgjedhje.
“Pastaj marrëveshja Rama-Basha e thelloi krizën”, tha Patozi, duke shtuar se politika shqiptare ka prekur fundin.
