Nënkryetari i LSI-së, Petrit Vasili, i ftuar në emisionin ‘5 pyetje me Babaramon’ ka ironizuar sjelljen e anëtarëve të Komisionit Hetimor Parlamentar të ngritur për shkarkimin e Presidentit Ilir Meta.
Vasili tha se sot u legjitimua edhe vendimi i opozitës për djegien e mandateve, me një Parlament që Vasili e cilësoi si mediokër dhe mizerabël.
“Presidenti po i merrte në pyetje ata, jo ata presidentin. Veprim me dy anë.
Një anë shumë e rëndësishme që tregonte seriozitetin shtetëror, u tregoi qytetarëve që ka një institucion të vetëm që respekton Kushtetutën dhe krahun tjetër një mediokritet dhe mizarebilitetit politik.
Tregoi atë fytyrë që parlamenti nuk duhet të ekzistojë më. Fytyra më e neveritshme e një parlamenti. Rama i ka çuar për t’u tallur, në fund Rama do qeshë me ta.
Shfreu skizofreninë kur Meta mbajti një pozicion shumë të qartë. Një inkoherencë kundër parimore e Ilir Metës. Këta janë mazhoranca e tullumbaceve, e dënglave, jo e punës, jo e reflektimit”, tha Vasili.