Mustafa Nano u shfaq sot në emisionin Opinion me dy qëndrime krejt të kundërta brenda pak minutash.
Ndërsa në fillim u shpreh i mahnitur nga paraqitja e Ilir Metës në Komisionin Hetimor, duke shprehur kritika vetëm për kollaren, pak minuta më pas shfaqi kritika në drejtim të Presidentit sepse ai nuk kishte thirrur Këshillin e Sigurisë Kombëtare, përderisa kishte një informacion sekret mbi djegien e Parlamentit.
Në krah të Alfred Pezës, Nano zgjodhi të replikojë me avokatin Ledio Braho, i cili argumentoi se nuk kishte asnjë arsye që Meta të thërriste Këshillin, ku është anëtar edhe ministri i Brendshëm dhe disa anëtarë të tjerë të qeverisë.
Në mungesë të argumenteve, Nano pyeti disa herë avokatin nëse ishte jurist apo mbante qëndrime politike.
Duket se qetësia e avokatit, çakordoi analistin që kaloi menjëherë në anën tjetër të barrikadës, duke kritikuar Presidentin.
Dy qëndrimet e Muçit
“Nuk ka Gjykatë Kushtetuese. E gjithë kjo do jetë një shoë politik. Ky ballafaqim, unë kisha frikë se mund të ishte starti i një konflikti të ri, por kjo iku. Meta ishte në gjithçka në rregull, siç i takon një Presidenti më përjashtim të kollares”, tha analisti Mustafa Nano.
“Presidenti duhej të thërriste Këshillin e Sigurisë Kombëtare, të bënte denoncimin në Polici”.
Nuk dihet nëse ndryshimin e qëndrimit në raport me Ilir Metën nga vërejtja te kollarja te ajo që nuk kishte mbledhur Këshillin e Sigurisë, analisti e pati nga fakti se përballë kishte një avokat që mbrojti tezën e mosmbledhjes së Këshillit, apo u rikthye në origjinë, duke mbrojtur tezat e Rilindjes.
