I nderuar kryetar i ERU, si qëndron më në atë karrige?

Nga Klodian Tomorri

Po lexoja rastesisht nje interviste te kryetarit te Entit Rregullator te Ujit, Ndricim Shani. Eshte nje interviste e botuar ne daten 11 janar 2018, ne te cilen kreu i ERU justifikonte rritjen me 44.4 per qind te tarifes se ujit ne Tirane.

Nuk e di nese intervista ka qene e sponsorizuar, por fakti qe eshte botuar ne disa gazeta dhe revista njekohesisht ngre pikepyetje. Megjithate nuk eshte ky thelbi.

Pjesa me e rendesishme e intervistes eshte justifikimi i rritjes se cmimit. Dhe zoti Shani, e ka justifikuar qe ne titull. Ne te gjitha gazetat dhe revistat ku eshte botuar intervista titulli ka qene i njejte: Tirana, cmimi qe duhet paguar per te patur furnizim me uje 24 ore ne dite.

Historine e tarifave e pame si shkoi. Permes vendimit te ERU-s, qytetareve te Tiranes ju moren 1 miliarde e 170 milione leke ose 10 milione euro shtese ne vit. Fatkeqesisht tani po shohim dhe historine e furnizimit 24 ore ne dite, teksa autobotet dhe bidonat kane uzurpuar cdo lagje, cep apo pallat te Tiranes.

Sipas raportit vjetor te ERU, pra sipas raportit te pergatitur dhe firmosur nga vet z. Shani, ne vitin 2018 koha e furnizimit me uje te Tiranes ra ne 10.1 ore ne dite nga 11.04 ore ne dite qe ishte ne vitin 2014. Pra vitin e kaluar Tirana kishte 1 ore ne dite me pak uje se sa ne vitin 2014.

LEXO EDHE  Bllokimi i Gjykatës së Lartë, Strasburgu pranon padinë e të dënuarit përjetë

Ne fund te ketij perversiteti, natyrshem lind nje pyetje;
Zoti kryetar i ERU, si te rrihet me ne ate karrige?

Nuk e di nese vendimi per rritjen e tarifave ka pergjegjesi ligjore. Por a ndjen ti zoti kryetar dhe te gjithe antaret e ERU-s ndonje pergjegjesi morale, teksa ne Tirane po perhapen epidemi nga mungesa e ujit?

Vetem nje dite me pare ishin mbi 250 veta te shtruar ne urgjence dhe tashme te gjitha autoritetet shendetesore dyshojne se shkaku i epidemise eshte mungesa e ujit, edhe pse kane frike ta thone me ze te larte ne publik.

Te gjithe keta po paguajne 10 milione euro ne vit me shume nga vendimi yt. Dhe ne vend te ujit 24 ore po marrin semundjet.

Coji te ndenjurat nga karrigia zoteri. Eshte minimumi i pergjegjesise qe mund te marresh para atyre qytetareve me bidona ne dore dhe atyre qe po zene shtreterit e spitaleve nga epidemite.