Edhe pse është një temë tejet delikate e cila nuk pranohet e nuk dëshmohet thuajse kurrë me zë të lartë, problemet mendore duke filluar që nga stresi e deri tek patologjitë më të rënda janë simptoma të përhapura gjithnjë e më shumë edhe në Shqipëri.
Por, për të gjithë ata që mendojnë se vizitat tek psikologu janë të tepërta, studentja shqiptare ka sjellë një alternativë tejet origjinale. Duke i ardhur në ndihmë edhe teknologjia dhe rrjetet sociale, studentja e neuroshkencës, Megi Koçiaj, edhe pse vetëm 21 vjeç ka gjetur zgjidhjen e këtij problem.
Ajo vuri në jetë një ide brilante, me pak kosto, me një telefon, një adrese në internet, që quhet “Banana Ditar”. Nuk ka asnjë person, që të paktën një herë në jetë të mos ketë përjetuar ankthin. Ky është qëllimi kryesor i Megit, të japë këshilla për shëndetin mendor.
Ajo beson se më këshillat e saj do t’i vijë çdo kujt në ndihmë, që në një moment të caktuar, ka nevojë për një profesionist për të mos u mposhtur nga pengesat që has në jetë.
Për këshillat e Megit, në mos sot, nesër do të keni nevojë patjetër, ndaj mos hezitoni të vizitoni faqen e saj.
