Kreu i PDS-së, Paskal Milo, parti aleate e PS-së së Kryeministrit Edi Rama, e cilësoi një teatër të ndyrë seancën dëgjimore sot në Komisionin Hetimor me Presidentin Ilir Meta.
Në studion e “Open”, Milo tha se Kuvendi i ditës së sotme është një turp.
“Aktorët janë sikur të jenë gjetur nga ‘çufo’ dhe po luajnë një teatër absurd”, shtoi Milo.
Ndërkohë, politikani Neritan Ceka u shpreh se deputetët e ditës së sotme janë pushtuesit e Shqipërisë në ditët e sotme.
Ceka shpërfilli edhe Kryetarin e Komisionit të Ligjeve, Ulsi Manja. Sipas tij ky është një njeri i cili nuk ka bërë asgjë, një person që vjen nga hiçi dhe kjo është turp që ai mban atë pozicion.
