Një 28-vjeç i dënuar me katër vite burg në mungesë për vjedhjen e dy automjeteve, është ështënë në pranga nga policia ditën e sotme në kryeqytet.
Shtetasi i arrestuar është Genc Logu, 28 vjeç, banues në Tiranë, me precedent penal të mëparshëm.
Gjykata e Tiranës e ka gjetur atë fajtor për vjedhjen e dy automjeteve në zonën e “Don Boskos” dhe rrugën “Artan Lenja”. Vjedhjet, Logu i kryente në bashkëpunim me tre shtetas të tjerë.
Njoftimi :
Tiranë
Vijon zbatimi i planit të masave për kapjen dhe vënien para përgjegjësisë ligjore të personave të shpallur në kërkim.
Kapet dhe ndalohet nga Komisariati i Policisë Nr.2, një shtetas i shpallur në kërkim për “Vjedhje të kryer në bashkëpunim”, i dënuar me 4 vjet burg nga Gjykata e Rrethit Gjyqësor Tiranë.
Shërbimet e Policisë të Komisariatit Nr.2, në zbatim të planit të masave “Për kapjen dhe vënien para përgjegjësisë ligjore të personave të shpallur në kërkim”, lokalizuan, kapën dhe ndaluan shtetasin e shpallur në kërkim:
Genc Logu, 28 vjeç, banues në Tiranë (me precedentë të mëparshëm penal).
Gjykata e Rrethit Gjyqësor Tiranë e ka dënuar me 4 vite burg, për veprën penale “Vjedhje të kryer në bashkëpunim”, pasi në bashkëpunim me tre shtetas të tjerë kanë vjedhur në zonën e Don Boskos dhe në rrugën “Artan Lenja” dy automjete.
Materialet iu referuan Prokurorisë së Rrethit Gjyqësor Tiranë për veprime të mëtejshme.
