Në mbarë vendin, policia e shtetit në bashkëpunim me hetimin tatimor dhe atë financiar kanë nisur një aksion të ashtuquajtur kundër informalitetit. Janë bërë me dhjetëra arrestime, të cilat janë trumpetuar nga policia si aksione të mëdha me anë të të cilave pretendohet të ndëshkohen të gjithë ata që përmes mashtrimeve i shkaktojnë shtetit dëme të konsiderueshme në buxhet.
Aksion i madh për prerjen e pyjeve me qëllim shitjen e lëndës drusore. Aksion i madh kundër bizneseve që shesin pa kupon tatimor duke mos derdhur në shtet vlerën e TVSH-së, aksion kundër informalitetit edhe në fushën e ndërtimit, kundër kambizmit në rrugë, kundër vjedhjes së energjisë elektrike, kundër faturave falso të linjave urbane.
Të gjitha aksionet janë ndërmarrë nga Policia e Shtetit dhe në përfundim të secilës prej tyre janë bërë edhe deklaratat përkatëse. Policia i ka shitur këto aksione si sukses, madje duke i shoqëruar edh eme fjalët se për të gjithë të arrestuarit ka prova të pakontestueshme.
Por nga Policia deri në gjykatë, kur rastet janë paraqitur për caktim mase sigurie, shumë gjëra kanë ndryshuar.
Dosja e policisë është shfryrë nga provat.
Vet akuza ka kërkuar masa të lehta për të dyshuarit. Rasti i fundit, ai që lidhet me arrestimin e 16 personave për akuzën e mashtrimit me TVSH, flet qartë.
Nga 16 të arrestuarit, gjykata vendosi për 10 prej tyre arrest në shtëpi dhe për 6 arrest me afat 20 ditor. Pra që do të thotë brenda 20 ditëve, nëse nuk do të paraqiten prova shtesë për ta, atherë do të lihen të lirë.
Masa për 16 të dyshuarit, arrestuar në aksionin e fundit kundër informalitetit.
HAXHI SALA-‘Arrest shtëpie’
ILIA DIMO-‘Arrest shtëpie’
VASIL KORITA-‘Arrest me 20 dite burg’
SHPETIM PRODANI-‘Arrest shtëpie’
BESNIK PELIVANI-‘Arrest me 20 ditë burg’
VANGJEL MBIRCE-‘Arrest me 20 ditë burg’
SHPRESA JOANIDHI-‘Arrest shtëpie’
NDUE NDRECA-‘Arrest me 20 ditë burg’
PAQSOR BUZI-‘Arrest shtëpie’
ARDIAN BEJKO-‘Arrest me 20 ditë burg’
ASTRIT LALA-‘Arrest shtëpie’
BAFTJAR KURTI-‘Arrest shtëpie’
RIZA ROSHI- ‘Arrest shtëpie’
RRAPO BADUNI-‘Arrest shtëpie’
FATMIR FIRI-‘Arrest me 20 ditë burg’
RABI KURTI-‘Arrest shtëpie’