Një aksident automobilistik është regjistruar në rrugën Transballkanike në qytetin e Vlorës. Tre automjete janë përplasur me njëri-tjetrin dhe për pasojë kanë mbetur të plagosur katër persona. Mësohet se të lënduarit janë jashtë rrezikut për jetën.
Automjetet e përfshira në aksident janë një tip Audi, një tjetër Peugeot dhe nje Ford Focus. Dy me targa italiane të cilat drejtoheshin nga babë e bir dhe një mjet me targa shqiptare.
Sipas mediave televizive ka qenë babai që ka përplasur fillimisht mjetin e të birit e më pas ky i fundit një makinë tjetër.
Sipas raportimeve nga vendngjarja, një nga drejtuesit e automjeteve është shoqëruar në polici.
Si pasojë e aksidentit është krijuar trafik në rrugë.
