Problemet e Sindikatave në Shqipëri kanë qenë gjithmonë në qendër të debateve. Të krijuara për të mbrojtur të drejtat e punëmarrësve në çdo sektor, ato shpesh janë bërë objekt akuzash.
Bashkëpunimi i pjesëtarëve të sindikatave me partitë pilitike të çdo spektri, kanë rënduar pozitën e punëtorëve, të cilët ndihen të pambrojtur. Asnjë protestë e iniciuar nga sindikatat kudo të vend për të mbrojtur të drejtat. Asnjë lëvizje për kushtet e munguara të punës, për pagat nën minimale që paguhen në fasoneri.
Në kongresin e 7 të Bashkimit të Sindikatave të Shqipërisë, drejtuesit e sindikatave kanë gjetur edhe justifikimin.
Sipas tyre qeveria e Rilindjes ka mbyllur gojën e sindikatave në vend. Ata akuzojnë Edi Ramën se pas ardhjes në pushtet në vitin 2013, largoi nga Sindikatat e Tiranës njerëzit që punonin duke i zëvendësuar ata me militant.
Më tej Bashkimi i Sindikatave në Tiranë.
“Rilindja vuri në kontroll sindikatën. Jemi përpjekur për të ngritur sindikata të reja. Shumë punëdhënës nuk e pranojnë sindikatën dhe punonjësit janë të frikësuar”, thotë Kol Nikolla.
Ai përmend edhe një pakt social të firmosur me ish kryeministrin Sali Berisha pas shumë përpjekjesh, ndërsa shton se Edi Rama ka mbyllur çdo derë me sindikatën dhe ka mohuar çdo kërkesë të tyre.
