Opozita ka nxjerrë në pah edhe njëherë mashtrimet e Rilindjes përmes mediave që paguhen nga vetë ajo.
Në disa media në Shqipëri u përhap lajmi se anëtarët e Komisionit të Venecias që do të vijnë në vendin tonë ditën e hënë në 9 shtator, ku do të diskutojnë për shkarkimin e Presidentit Ilir Meta, do të konsultohen vetëm me përfaqësues të mashorancës dhe nuk do të takojnë asnjë nga opozita.
Përmes një njoftimi për mediat opozita njofton se, “në të vërtetë, takimi me PD dhe LSI është planifikuar të jetë në 10 Shtator, ora 08.00, në Rogner. Përfaqësues të opozitës në takim do të jenë Oerd Bylykbashi dhe Klajda Gjosha”, thuhet në njoftimin e PD-së”.
Njoftimi i plotë:
Lidhur me lajmin e mbërritjes së ekspertëve të Komisionit të Venecias në Shqipëri, disa media, duke iu referuar një axhende të paperditësuar, kanë njoftuar se Komisioni i Venecias nuk do të takohet me opozitën. Në të vërtetë, takimi me PD dhe LSI është planifikuar të jetë në 10 Shtator, ora 08.00, në Rogner. Përfaqësues të opozitës në takim do të jenë Oerd Bylykbashi dhe Klajda Gjosha.