Para aktivitetit, që u zhvillua mbrëmjen e djeshme fillimisht në Pallatin e Kongreseve, ku kryetarja e LSI-së Monika Kryemadhi mbajti edhe një fjalim para simpatizantëve të kësaj partie, më pas festa u zhvendos pak metra më tutje, me të ftuarit specialë.
Festa u zhvillua në Hotel Rogner, ku pati shumë të ftuar. Siç pritej morën pjesë politikanë, diplomatë dhe përfaqësues të artit e mediave.
Por nëse pritej mungesa e kryeministrit Edi Rama, mungoi edhe kryetari i Partisë Demokratike Lulzim Basha. PD-ja u përfaqësua nga nënkryetari, Edmond Spaho dhe ish-deputetët, Albana Vokshi dhe Klevis Balliu.
Kreu i Kuvendit, Gramoz Ruçi ka qenë i vetmi përfaqësues i maxhorancës dhe i PS në festën e LSI-së.
Mungoi edhe ish-kryeministri Sali Berisha, por po ashtu edhe themeluesi i kësaj partie, Presidenti Ilir Meta.
Në ceremoni kanë qenë të pranishëm aleatë opozitarë si Fatmir Mediu dheNard Ndoka.
Nga diplomatët ra në sy mungesa e përfaqësuesve të SHBA e Gjermanisë.
I pranishëm ishte ambasadori i Kosovës, Sylë Ukshini, ambasadori i Japonisë, Makoto Ito, ambasadorja e Francës, Christina Vasak, ambasadori i Kinës, Zhou Ding, ambasadori i Kuvajtit, Fayez Mishari Al-Jassim, përfaqësues dhe nga Ambasada Hungareze, Algjeriane, Izraeli, Bullgaria.
Në pritje kanë qenë edhe të ftuar nga bota e ekranit, gazetarë etj, si Ermal Mamaqi, Olti Curri etj.
