Për mbrojtësin e skuadrës së Holandës, Virgil Van Dijk, ndeshja ndaj Gjermanisë nuk është si gjithë të tjerat.
Humbja në Amsterdam i ka komplikuar shumë shanset e portokallinjve për të zënë dy vendet e para në Grupin C.
“Ne e dimë se çfarë duhet të bëjmë nisur nga ndeshja e fundit ndaj tyre”, tha kapiteni i “tulipanëve” në prag të ndeshjes, e cila do të luhet sonte në orën 20:45 në Hamburg.
“Komunikimi ynë në fushë duhet të jetë perfekt. Nuk është e thënë që De Ligt të mbulojë më shumë se i takon, pasi kjo do të sillte një boshllëk të madh prapa. Gjermanët janë shumë të shpejtë kur kanë zotërimin e topit dhe është e vështirë t’i ndalosh. Shpresoj që të jemi në një formë të mirë ndaj tyre”, theksoi gjiganti i Liverpoolit.
