Autoritetet finlandeze po hetojnë një deputete të krishterë dhe ish-ministre e brendshme pas postimit në Facebook të disa pasazheve nga Bibla ku për të cilat policia thotë se mund të jetë një “sulm” ndaj komunitetit LGBT.
Päivi Räsänen është deputete nga radhët e demokristianëve të krishterë dhe ka qenë ministre e Brendshme midis 2011 dhe 2015.
Në qershor, ajo kritikoi Kishën Luteriane Ungjillore të Finlandës (ECLF) për pjesëmarrjen e saj në paradën e LGBT Pride të Helsinkit.
” “Si përshtaten bazat mësimore të kishës dhe Bibla, me promovimin e mëkatit dhe turpit për krenari?”- Postoi Räsänen, së bashku me një foto të Biblës, ku shihen pasazhet 1: 24-27 nga Testamenti i Ri, i cili përshkruan homoseksualitetin si “mëkatare”, “e turpshme” dhe “e panatyrshme”.
Tani, policia ka hapur një hetim kundër saj me pretendimin e “nxitjes kundër pakicave seksuale dhe gjinore“, – konfirmoi një zëdhënës për Helsinki Times.
Duke folur për portalin në internet Faithwire të enjten, Räsänen tha që ajo nuk kishte frikë për veten, por ishte e shqetësuar që hetimi ka pasur një “efekt të ftohtë” për të krishterët në Finlandë.
“Duket se shumë të krishterë në vendin tim fshihen në dollap, tani që komuniteti LGBT ka dalë para publikut”, tha politikania.
Räsänen gjithashtu tha se qëllimi i saj nuk ishte të fyejë minoritarët seksual, por të kritikojë udhëheqjen e kishës, duke shtuar se ajo do të vazhdojë të ndajë vargje biblike dhe mësime të krishtera pavarësisht hetimit.
