Ish-deputeti Nard Ndoka, kryetar i PDK-së, ka reaguar pas deklaratave të ministrit në Detyrë për Evropën dhe Punët e Jashtme, Gent Cakaj, lidhur me raportin e OSBE/ODIHR për zgjedhjet e 30 qershorit.
“Zv/ministri çunak i jashtëm, na perkthej raportin, nga shqip në gjuhën e rilindjes”, shkruan Ndoka në rrjet.
Gent Cakaj bëri një interpretim sot të raportit të OSBE/ODIHR, duke pretenduar se po citonte pjesë nga raporti, që në fakt nuk gjenden në të.
“Është e qartë se këtu ka pasur një përpjekje aktive për të dëmtuar mundësinë e hapjes së negociatave të Shqipërisë në muajin tetor, nga angazhimi aktiv i disa qarqeve opozitare për të prodhuar dezinformim masiv në një numër trupash diplomatike dhe te sabotimet e këtij procesi, nga bojkotimi i zgjedhjeve te vendimi për të pasur zgjedhje pak ditë para vendimit në këshillit.
Detyra jonë është për të dhënë shpjegime të nevojshme tek të gjitha vendet skeptike për situatën e përgjithshme poltiike dhe për këto zgjedhje në vecanti ta shndërrojmë në mbështetje politke.
Shqipëria ka nevojë për zgjedhje shumë më të konsoliduara se sa ato të 30 qershorit këtë nuk e ka mohuar askush në këtë qeveri dhe në PS. Këto janë zgjedhjet më cilësore brenda një kornize rrethanore të vecante, këtu gjithkush duhet të marrrr përgjegjësitë e veta. Vendimi për bojktin e zgjedhjeve ka qenë vullnetar”, tha Cakaj, sipas të cilit OSBE/ODIHR e cilësoi procesin si brenda standardeve.
