Nga Boldnews.al
Raporti i OSBE/ODIHR-it për votimet mono-partiake të 30 Qershorit ishte një ndër më kritikët e hartuar në dy dekadat e fundit në Shqipëri.
Megjithëse ishin munduar të ishin “të ekuilibruar politikisht” për përgjegjësitë mbi një proces votimesh aspak normal, vëzhguesit ndërkombëtarë, gjithësesi e vendosin gishtin e fajit tek Qeveria, e cila ka rolin kryesor në procesin elektoral.
Por, raporti i OSBE/ODIHR-it ka një element, të prekur në mënyrë tangenciale, por që rrëzon “kështjellën prej rëre”, të quajtur Reforma në Drejtësi.
Duke folur për vendimmarrjen e Kolegjit Zgjedhor, i përbërë nga gjyqtarë të Apelit, raporti shprehet se ato janë marrë nën presionin e procesit të Vetingut, pika themelore e Reformës në Drejtësi.
“Ndërsa gjyqtarët e Kolegjit Zgjedhor gëzojnë imunitet dhe nuk mund të jenë subjekt i procedurave disiplinore gjatë gjithë afatit për të cilin Kolegji është i konstituuar, ata i nënshtrohen “procesit të vettingut” në vazhdim, i cili mund të ndikojë në sigurinë e mandatit të tyre dhe në këtë mënyrë të ndikojë potencialisht në pavarësinë e tyre”, thuhet në raportin e OSBE-së.
Fare thjeshtë- Kolegji Zgjedhor duhet t’i bindej urdhërave politikë të Partisë Socialiste në pushtet, pasi në të kundërt, karriera e tyre do të ndërpritej nga strukturat e Vetingut.
Institucionet e rivlerësimit, sipas Kushtetutës, janë të pavarur dhe veprojnë vetëm në bazë të ligjit.
Por, raporti i OSBE/ODIHR-it zbuloi atë që pjesa më e madhe e shqiptarëve e kanë të qartë- Vetingu i gjyqtarëve dhe prokurorëve realizohet në bazë të vullnetit politik të maxhorancës së Edi Ramës.
Nën “presionin e Vetingut”, referuar termit të përdorur në raportin e OSBE/ODIHR-it, është e lehtë të konstatohen vendimmarrjet e Kolegjit Zgjedhor që cënuan rëndë procesin e 30 Qershorit.
Kolegji Zgjedhor çertifikoi vendimin e marrë nga shumica socialiste në Komisionin Qendror të Zgjedhjeve (KQZ) për të mos njohur dekretin e Presidentit që anulonte datën 30 Qershor si ditë të zgjedhjeve.
Kolegji Zgjedhor, duke pranuar që KQZ të merrte funksionet e Gjykatës Kushtetuese, e vetmja që mund të shqyrtonte këtë vendimmarrje të Presidentit, i hapi rrugën një procesi votimi mono-partiak, njëlloj siç ishte vullneti i Partisë Socialiste dhe, sidomos kreut të saj, Edi Ramës.
DENONCO