Të paktën 10 të vdekur dhe 40 të plagosur është bilanci i një sulmi me makinë bombë në kryeqytetin e Aganistanit.
Shpërthimi i bombës ndodhi pranë një zone të rrethuar me forca të larta sigurie pranë ndërtesave të ambasadave dhe qeverisë.
Aty ishin zyrat e Nato-s dhe të Ambasadës Amerikane, por nga sulmi me makinë bombë u shkatërruan dyqanet dhe makinat pranë.
Militantët talibanë pranuan se ata e kishin shkaktuar sulmin. Në shënjestër kishin një kolonë të forcave të huaja. Zëdhënësi i ministrisë së brendshme, Nasrat Rahimi njoftoi se viktimat ishin civile, pa dhënë detaje të tjera.
