Regjizori i njohur, Kastriot Çipi, ka reaguar ashpër ndaj ministres së Kulturës, Elva Margariti. Reagimi i Çipit ka ardhur pasi i është kërkuar përmes rrjeteve sociale t’i bëjë “like” faqes së Ministrisë së Kulturës.
“Zonja Margariti, je po aq e urryeshme sa paraardhësja jote, sepse edhe ti po përpiqesh të shembësh TEATRIN. Madje je më keq, sepse nuk je diplomuar për frengjisht në Tiranë, por për arkitekturë, me profil RESTAURIMIN, në Firence!!!
E dyta, zonja Margariti, po shpenzon taksat e mia për të promovuar jo ministrinë, por veten!
E treta, zonja Margariti, unë nuk u jap kurrë pëlqimin faqeve për të cilat më ftojnë vetë personazhet publikë. Nëse je vërtet personazh publik, nuk ke nevojë t’i ftosh njerëzit të pëlqejnë faqen tënde. Thuaj gjëra të mençura, bëj gjërat e duhura dhe njerëzit do të të kërkojnë vetë”, shkruan Çipi.
Madje regjizori i njohuri shkon edhe më tej, kur i sygjeron ministres së Kulturës që t’i blejë pëlqimet, ashtu siç blejnë votat.
Reagimi nga Kastriot Çipi
E para, zonja Margariti, je po aq e urryeshme sa paraardhësja jote, sepse edhe ti po përpiqesh të shembësh TEATRIN. Madje je më keq, sepse nuk je diplomuar për frengjisht në Tiranë, por për arkitekturë, me profil RESTAURIMIN, në Firence!!!
E dyta, zonja Margariti, po shpenzon taksat e mia për të promovuar jo ministrinë, por veten!
E treta, zonja Margariti, unë nuk u jap kurrë pëlqimin faqeve për të cilat më ftojnë vetë personazhet publikë. Nëse je vërtet personazh publik, nuk ke nevojë t’i ftosh njerëzit të pëlqejnë faqen tënde. Thuaj gjëra të mençura, bëj gjërat e duhura dhe njerëzit do të të kërkojnë vetë.
E katërta, zonja Margariti, një vit e gjysmë më parë, unë kisha jo më shumë se 500 miq në Facebook, të gjithë të njohur në jetën reale, ose kolegë, ose thjesht njerëz publikë, të mençur e të drejtë. Sot kam gati 5.000. Nuk kam paguar asnjë qindarkë për promovim. Nuk kam ftuar askënd të më ndjekë, apo të kërkojë miqësi virtuale. Madje shpesh refuzoj ftesa. E di pse më kërkojnë miqësi të panjohurit? Thjesht sepse prej një viti e gjysmë jam në luftë me ministrinë që sot ka fatkeqësinë të drejtohet prej teje!
Së fundi, zonja Margariti, nuk do t’ju ndihmoja kurrë me një pëlqim më shumë, që t’i shpëtonit sadopak dhunës verbale apo fizike, që mund të ushtrojë ndaj jush Skllavopronari që ju e quani Kryerilindas, për shkak të “performancës suaj të dobët virtuale”. Sepse ndryshe nga skllevërit antikë, ju keni zgjedhur të jeni e tillë. Pra, paguajeni çmimin që i keni vënë vetes!
Ose frymëzohuni nga kolegët e tu më me përvojë. Blijini pëlqimet, siç blini edhe votat!
Thjesht mos më llogarisni mua dhe mos më bezdisni më!
