Alexis Sanchez thotë se i është bashkuar Interit sepse ata ndajnë dëshirën e njëjtë për të fituar shumë trofe.
Sanchez dështoi të fitojë trofe me Manchester United, por mbetet ndër shitjet më të suksesshme të Serie A, pasi e ka fituar Kupën e Amerikës dy herë me Kilin, gjashtë trofe me Barcelonën dhe dy tituj të FA Cup me Arsenalin.
“Ende e kam dëshirën e njëjtë për të fituar dhe dashurinë për lojën e futbollit. E dua këtë lojë dhe dua të jem i lumtur”, tha Sanchez për Inter TV.
“Jam i kënaqur që jam këtu. Këtu ka lojtarë të mirë. Është një skuadër e mirë dhe e njoh edhe Lukakun nga Unitedi”, shtoi ai.
Ai pohoi se i është bashkuar klubit zikaltër për të fituar trofe.
“Jam këtu për të luftuar për trofe. Ne duam të bëjmë punë të mirë dhe të fitojmë trofe këtu. Na duhet të luftojmë për trofe. Gjëja kryesore është shpirti ekipor, i cili e bën dallimin”, theksoi ai.
