Prej disa ditësh në disa zona të Tiranës banorët kanë mbetur pa ujë në banesat e tyre. Kjo përbën një shqetësim të madh pasi ujët mungon në periudhën më të nxehtë të vitit. Ende nuk ka një reagim nga ana e autoriteteve, Bashkia e Tiranës dhe UKT.
Lidhur me këtë ngjarje rrjeti ka shpërthyer në meme ironike. Nuk mund të mungonte dhe një ironi nga Xum Allushi i cili njihet për videot e tij pikante në rrjetet sociale.
Ai ka postuar një video ku shfaqet me shkumë dhe i drejtohet Veliajt se nuk ka ujë të shpëlahet.
“Lene dritat shkëputen por edhe uji, gjëja më minimale e robit. Ngelëm me shkumë mo vlla apo kshu thoni për popullin ju: “Mbajeni me shkumë”. Po jo mo vllai se nuk bohen kshu gjonat, ça boni mo. Unë mendoj që të dalim gjithë si popull të vijmë te shtëpia jote po ashtu të lahemi se kam dëgju mir se dush edhe ujë që ke 24 orë, ti edhe gjith politikanët e tjerë. Kam dëgju që ke edhe xhakuz, të vijmë njer ne ande ta provojmë xhakuzin ne populli i thjeshtë, se s’dimë ca është.”- i drejtohet Xumi Veliajt.
