Pas pushimeve të gushtit, Komisioni i Pavarur i Kualifikimit e rinis procesin e vetingut me seancën dëgjimore të kryetarit të Gjykatës Administrative të Korçës, Sokol Ibi. Trupa gjykuese që po kryen hetimin administrativ për gjyqtarin Ibi përbëhet nga Olsi Komici, Suela Zhegu dhe Xhensila Pine, reltore.
Ndërkohë që ONM përfaqësohet nga Mira Roza.
Sokol Ibi me funskion gjyqtar Kryetar i Gjykytës Administrative Korçë, në këtë seancë ka zgjedhur të mbrohet vet, pa pasur nevojën e një vokati. Ndërkohë që nga ana e trupës i bëhen të ditura rregullat. KPK ka kryer procedurat e rivlerësimit kalimtar për këtë subjekt. Ibit iu kujtua e në bazë të ligjit atij mund t’i ndërpritet fjala në çdo moment, nëse nuk respekton kohën e përcaktuar. Ndërkohë më tej atij i bëhet e ditur se gjithçka që thotë në seancë do të vlerësohet dhe merret në konsiderat në vendimin përfundimtar.
Gjyqtari: I keni marrë në dorëzim të gjitha materialet e dosjes
Ibi: Po
Pas këtijmomenti, trupa vendos të mos lejojë më kamerat.
Sokol Ibi ka përfunduar studimet në Shkollën e Magjistraturës në vitin 2007 dhe pas një viti stazh në Gjykatën e Tiranës, është emëruar gjyqtar në Gjykatën e Pogradecit. Në vitin 2013, Ibi u dekretua gjyqtar i Gjykatës Administrative të Korçës, ndërsa dy vite më vonë u promovua në detyrë si kryetar i kësaj gjykate.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.
