Gazeta Koha Jonë, botuesi i së cilës është Nikoll Lesi, në një kryeartikull, shkruan se kjo mund të jetë vjeshta e fundit për Edi Ramën, Lulzim Bashën apo edhe për demokracinë.
“Me një pushtet absolut, bile monarkik, Edi Rama hyn në vjeshtën e tij të 6-të si kryeministër. Ndërsa opozita, si kurrëherë, nuk ka më asnjë lloj pushteti, përveç të fjalës, por edhe këtë jo në sallën e parlamentit, por në rrugë.
Edhe në media hapësirat po ia mbyllin nga pak e përditë. Kanë mbetur rrjetet sociale dhe portalet, por edhe këto me sa duket do të përballen me një ligj të ri represiv”, thuhet në artikull.
Artikulli i Koha Jonë
Nesër me 2 shtator parlamenti monist ose siç populli e etiketon si “Parlamenti i pazarit të Milotit”, fillon punimet.
Me një pushtet absolut, bile monarkik, Edi Rama hyn në vjeshtën e tij të 6-të si kryeministër. Ndërsa opozita, si kurrëherë, nuk ka më asnjë lloj pushteti, përveç të fjalës, por edhe këtë jo në sallën e parlamentit, por në rrugë.
Edhe në media hapësirat po ia mbyllin nga pak e përditë. Kanë mbetur rrjetet sociale dhe portalet, por edhe këto me sa duket do të përballen me një ligj të ri represiv.
Ndaj kjo vjeshtë do të jetë vjeshta e fundit. E fundit për Edi Ramën, si rregull. Por gjasat janë në lojë edhe për Lulzim Bashën. Nëse nuk i jep goditjen finale dhe fatale regjimit të instaluar e të financuar nga oligarkia e krimi, opozita rrezikon ekzistencën reale.
Edhe Demokracia rrezikohet të kthehet në slogan, në kukulla me ca “opozitarë” në sallën e Kuvendit, të cilët votojnë kryeministrin sa herë Taulant Balla jep urdhërin!
Ndërkombëtarët kanë hallet e veta dhe “pika e ujit” në Glob si Shqipëria nuk iu prish humorin apo interesat edhe nëse demokracia vdes për ca vite. Ndaj duhet që Lulzim Basha dhe krejt Opozita të jenë radikale këtë vjeshtë, radikale në mbrojtje të demokracisë dhe njerëzve të cilët nuk kanë kurrfarë mbrojtje përballë një pushteti dhunues.
Kjo vjeshtë vendos fatet e vendit. Kjo vjeshtë tregon nëse do kemi dritë në fund të tunelit, ku e kanë futur popullin, kjo oligarki gjakpirëse, ky grupim kriminal, kjo Rilindje.
Ndryshe…! Le ti kyçin partitë dhe të anëtarsohen në Rilindje.
