Ishemitë cerebrale apo hemoragjitë janë shtuar shumë vitet e fundit. 2500 raste preken çdo vit në vendin tonë.
Por ajo që e bën më shqetësuese situatën është se kjo sëmundje ndonëse më parë prekte moshat e mëdha tanimë ajo prek moshën aktive për punë kryesisht 40 vjeçarët.
Mjekët neurologë u sugjerojnë qytetarëve që të mos e neglizhojnë asnjë simptomë shëndetësore në trupin e tyre siç janë hipertensione apo probleme kardiake pasi shkaku kryesor i ishemive apo strokut cereblar siç e quajnë mjekët janë sëmundjet e pakontrolluara.
Ishemitë dhe hemoragjitë cerebrale përveçse marrin jetë ato janë shkak i invalidizmit pasi shkaktojnë paraliza të gjymtyrëve apo pjesë të ndryshme të trupit.
Stroku renditet i dyti si shkaktar i invaliditetit dhe i treti për mortalitetin.
Por nëse pacienti arrin të lexojë mirë sinjalet që i jep trupi i tij që në momentet e para atëherë mund të shmangen pasojat e rënda.
Në qendrën spitalore “Nënë Tereza”, çdo vit shtrohen 1 000 persona me aksidente vaskulare cerebrale, ku mes tyre nuk mungojnë pacientët e rinj 20-vjeçarë, kryesisht përdorues drogash.
