Ish-kryeministri Sali Berisha, duke iu referuar një denoncimi ardhur në adresë të tij, shprehet se një efektiv policie është dhunuar në Durrës.
Në një status në Facebook, Berisha shkruan se polici u dhunua nga dy persona, mes tyre pronari i treguat të frutave në Durrës, ndërsa ngjarja nuk është raportuar nga policia.
“Zhdepet polici i rrugores nga te fortit e partise
Gjeneral Hashashi dhe Ardi Eskobari qepin gojen!
Lexoni denoncimin e qytetarit dixhital. sb
Dok. Berisha, tre dite me pare pasdite ne Durres lagja 14 eshte rrahur nje polic rrugor me grushta, policia e mban te fshehur, sepse ato qe e goditen jane dikushi. Ata jane pellumb hasani dhe ilirian basholli ka tregun e frutave te durresit”, shkruan Berisha në Facebook.
Ilirian Basholli është një emër i njohur për policinë. Ai ka qenë disa herë i arrestuar në të kaluarën për vepra të ndryshme penale. Në vitin 2015, u arrestua pas akuzave se kërcënoi një tregtar, duke i kërkuar një shumë parash.
